കേളകം
ഗ്രാമ പഞ്ചായത്ത്

കണ്ണൂർ ജില്ലയിലെ കേളകം ഗ്രാമത്തിന്റെ ചരിത്രം കൊട്ടിയൂർ, കണിച്ചാർ പഞ്ചായത്തുകളുമായി അവിഭാജ്യമായി ബന്ധപ്പെട്ടു കിടക്കുന്നു. ടിപ്പു സുൽത്താന്റെ പടയോട്ടക്കാലത്ത് തന്നെ ഇവിടെ ജനവാസമുണ്ടായിരുന്നുവെന്ന് അക്കാലത്തെ അവശേഷിപ്പുകളായ ഇരുമ്പുപാലങ്ങളും ഗുഹകളും സാക്ഷ്യപ്പെടുത്തുന്നു. പിൽക്കാലത്ത് വനമായി മാറിയ ഈ പ്രദേശം കോട്ടയം രാജാക്കന്മാരുടെ കീഴിലാവുകയും കൊട്ടിയൂർ ദേവസ്വത്തിനായി മണത്തണ നായർ തറവാട്ടുകാർക്ക് കൈമാറുകയും ചെയ്തു. 1802-ൽ പഴശ്ശിരാജാവും കുറിച്യ പടയാളികളും ബ്രിട്ടീഷുകാർക്കെതിരെ പോരാടാൻ ഇവിടെ തമ്പടിച്ചിരുന്നു. കേരളപ്പിറവിക്ക് മുമ്പ് മദ്രാസ് സംസ്ഥാനത്തിന്റെ ഭാഗമായിരുന്ന കേളകം, പണ്ട് പണിയർ, കുറിച്യർ വിഭാഗങ്ങളുടെ മാത്രം ആവാസകേന്ദ്രമായിരുന്നു. രണ്ടാം ലോകമഹായുദ്ധത്തിനു ശേഷമുണ്ടായ കടുത്ത പട്ടിണിയാണ് 1944 മുതൽ തിരുവിതാംകൂറിൽ നിന്നുള്ള കുടിയേറ്റക്കാരുടെ വൻ ഒഴുക്കിന് കാരണമായത്. വനംവകുപ്പിന്റെയും പോലീസിന്റെയും പീഡനങ്ങളെ...